[62] Pagkaing Masustansya

Kapag usaping pagkain ang pag-uusapan doon ako sa masarap, mura at masustansiya. Ako pa e napaka health buff kong tao at kuripot din. Haha.

Aba, alam nyo ba ang pinaka paboritong pagkain of all time ng inyong lingkod? Ano pa ba kungdi ang Munggo Ginisa ng ermat ko. O heto ang kaparehong itsura nya.

source: thecookmobile.com

O napaka mouth watering ano lalo kapag nanay ko na ang nagluto. Pinapapak ko pa nga iyon lalo kung may daing o tinapa, dahon ng ampalaya o chicharon pa kung gusto mo.

At dahil mahilig din sa prutas ang inyong lingkod ay nag eksperimento ako ng isang napaka healthy fruit shake na napaka sarap naman talaga at nakakabusog na din kasi apat na klase ng prutas ang paghahaluin. Heto sya.

Carrot/s -Puedeng kalahati o isang buong medium size

Pinya – wag masyadong madaming nito para di umasim. Mga dalawang slices lang

Mansanas -isang buo.

Manggang hinog – kalahating pisngi ay okey na

Syempre lahat chopped yan para naman hindi mahirapan si blender na durugin ang mga sangkap mo. Aba matitigas din iyan lalo na si mansanas ano.

Isisingit ko lang, alam nyo ba nahirapan akong maghanap ng manggang hinog dito sa disyerto? At ang nakita ko pa kamo ay manggang hinog ng bansang Kenya. Wala na akong choice at sinubukan ko din. Akalain mong wala pa sa kalingkingan ng mangga natin ang jumbo mangga na ito? Hehe. Pero puede na din naman.

O mabalik na tayo, kapag ok na e di i blender mo na siya with water. Maglagay ka ng kaunting asukal mga bossing kung gusto mo ng mas matamis pa pero tandaan wag isosobra ang pinya ha para di siya maasim at malasahan mo pa ang ibang prutas sa shake mo kasi kamo ay may tendency na sakupin ng pinya ang lasa nito kapag naparami.

O heto hitsura ng eksperimento ko.

dioniscio: *tulo laway mode*

Oha ang sarap nyan lalo kung malamig.

Yung pangatlong piktyur may garnish pa na carrot ang plastic cup kasi ipinatikim ko sa kapitbahay na kaibigan ko din. Sabi niya, mas masarap pa daw kumpara sa mga shake sa labas. Yipee! Iyung nasa bote naman binaon ko sa opis. At yung pang apat na piktyur naman, apple shake lang para sa brekpas ko.

Bigyan mo lang ako ng masarap ng katulad nyan, idedeyt na kita. Easy to get naman ang Dioniscio nyo. Haha

Pero seryoso dapat laging healthy lifestyle ha para mas humaba ang buhay. I-enjoy ng tama ang pagkain at huwag sosobra!