Kwentuhang Masaya
I have been busy mga bossing. Ang hirap makahanap ng oras sa pagba-blog. Ang dami kong work. E kasi kanyo ay sa wakas nagkaroon na ng bagong project ang kumpanyang pinagta-trabahuan ko dito sa Middle East. At sana nga ay maibalik na ang dati naming sahod.
Phew.
Hindi bale na, ang mahalaga naman ay may trabaho at tuloy pa din ang buhay.
At tuloy ang pasasalamat.
Teka ang tagal ko yatang hindi nasabi ang “ang Dioniscio nyo” hano? Na-miss ko. Kayo, na miss nyo? Malamang na hindi kasi hindi rin ako makabloghop. Gayunpaman mga bossing, nagpapasalamat ako sa ilang dumadalaw at sumisilip pa din sa aking bahay.
Oh heto ang leytes na piktyur ko nung namili para sa nalalapit ko ng bakasyon sa Pinas. Teka huwag muna magtanong kung kailan at wala pa talagang eksaktong buwan at araw.
Ang dami kong napamili nyan para sa aking erpat at sa aking nag-iisang utol. Eh ano kanyo ang pinaka mahirap, mga bossing? Ang ermats ko nagpapabili ng daster made in UAE. Hala. Saan naman daw makakabili ang Dioniscio ng daster dito? Hayun at hanap-hanap, nakapili din ako ng 3 sa isang womens apparel dito. Sumakit pa ulo ko. Hehehe.
Isa din sa mga naging adventure ko ay iyung nagpunta kame ng Zoo. Akalain nyong nakipag-date ang Dioniscio nyo sa Zoo. O hayan ang piktyur ko na naman. Iyong date ko, secret na lang. Hindi ko nakuhaan kasi nasa kulungan, nakain pa ng damo. Hehe
At syempre nuong ako naman ay sumali sa Dubai marathon at nagka medal. Takbuhan iyon. Nakow, nag pa cute na naman ako. Hehe. Eh sa totoo lang ay matagal na din naman ako tumatakbo bilang parte ng aking pagkahilig sa fitness, aba, bakit ba hindi ako sumali sa mga ganito tutal naman e fun run lang naman ito at na exercise pa ako!
Nextyear ulit sasali ako sa mas mahabang takbuhan, 10KM. Subok lang muna kasi ang nakaraang sinalihan ko.
At syempre sisingit ko lang na kung ikaw ay OFW ay dalawin mo si Kengkay para sa kaniyang magandang balita.
Oh, kamusta kayo? Gusto nyo magkwento? Bato nyo sa Dioniscio. Yung masaya ha?
